Blog

ДИДАКТИКАЛЫҚ ШЫҒАРМАЛАР – РУЎХЫЙ БАЙЛЫҒЫМЫЗ

Турдыбаев Қонақбай. Дидактикалық шығармалар -руўхый байлығымыз. Монография. Нөкис

Филология илимлериниң кандидаты Қонақбай Турдыбаевтың бул монографиясында ХIХ әсир қарақалпақ әдебиятындағы дидактикалық қосықлардың жанрлық өзгешеликлери менен раўажланыў тарийхы сөз етилген. Бул жанрдың тарийхый дәреклери халық қосықларына, нақыл-мақаллары менен терме-толғаўларына, сондай-ақ орта әсирдеги диний әдебиятлар менен шығыс халықлары әдебиятына барып ушласады. Автор усы тийкарда ХIХ әсир қарақалпақ шайырларының дидактикалық қосықларын халық дидактикасы ҳәм шығыс поэзиясындағы дидактикалық шығармалар менен салыстырып үйренип, олардың өз ара уқсаслығы менен өзгешелигин ашып көрсетеди.

Изертлеўде Күнхожа, Әжинияз, Бердақ ҳәм Өтеш шайырлардың дөретиўшилигинде дидактикалық қосықлардың тутқан орнына, олардың дидактикалық көзқарасларының идеялык ҳәм тарийхый тамырларын ашып береди. Сондай-ақ автор қарақалпақ шайырларының дидактикалық қосықларының лириканың бир жанры сыпатында қәлиплесиў ҳәм раўажланыў жолларына, идеялық ҳәм көркемлик өзгешеликлерине илимий-теориялық  жуўмақ жасайды.

Китаптан илимий хызметкерлер, аспирантлар, студентлер ҳәм магистрантлар кеңнен пайдаланыўы мүмкин.

Сондай-ақ, бул китаптан орта мектеплер менен академиялық лицей оқытыўшылары ҳәм оқыўшылары қосымша оқыў қолланбасы сыпатында пайдаланыўына болады.

Жумыс Қарақалпақ мәмлекетлик университетиниң қарақалпақ әдебияты тарийхы ҳәм фольклоры кафедрасында орынланған.дидактика